Kabhi nikle ho ghar se yun?

Kabhi nikle ho ghar se yun?
Bin jaane kahan jaane ko,
Bas, raah ka saath nibhane ko!

Is sannate me chupi jo baatein hai,
ye ped, jo kuch gungunate hai,
is khamoshi se batiyane ko!
Kabhi nikle ho ghar se yun?
Bin jaane kahan jaane ko,
Bas, raah ka saath nibhane ko!

Jab manzil ka thikana na ho,
Par rukne ka bahana na ho,
Chal diye, bas chal jaane ko!
Kabhi nikle ho ghar se yun?
Bin jaane kahan jaane ko,
Bas, raah ka saath nibhane ko!

Jab door-talak andhera ho,
Or aankhon me khaab basera ho,
Un khaabon ko sajane ko!
Kabhi nikle ho ghar se yun?
Bin jaane kahan jaane ko,
Bas, raah ka saath nibhane ko!

Manzil badi bevafa hai,
Bas kshan bhar ke liye aati hai,
Or fir aage badh jaati hai!
Gar karle dosti raah se tu,
Ta-Umr saath nibhati hai!
To niklo kabhi ghar se yun!
bin jaane kahan jaane ko,
Bas, raah ka saath nibhane ko!